Гаас оттукка көһөрүү социальнай бырагырааматыгар РФ бырабыыталыстыбата салгыы үлэлиир. Дьаһал икки сыллааҕыта президент көҕүлээһининэн саҕаламмыта.
2024 сылга чэпчэтиинэн туһанар бырааптаах нэһилиэнньэҕэ гаас оттукка көһөрүү социальнай бырагырааматыгар эбии 1 млрд солк көрүллэр.
Үбүлээһини 57 регион ылар. Бу харчыны гаас оттугу киллэриигэ ирдэниллэр тэрили ылыыга уонна систиэмэни тардыы үлэтигэр, дьиэҕэ гаас уматыгы холбуурга туттуллар. Суумата 100 тыһ солк кыра буолуо суохтаах.
Судаарыстыба баһылыгын сорудаҕынан маннык көмөнү ылаллар:
• СВО кыттыылааҕа уонна кини дьиэ кэргэнэ,
• Аҕа дойду улуу сэриитин бэтэрээнэ,
• элбэх оҕолоох ыаллар,
• кыра дохуоттаах дьон.
2023 сылга аадырыстаах төлөбүрүнэн 12 тыһ дьиэ гааска холбоммута, суруйда бырабыыталыстыба телеграм-ханаала.
This post was published on 12.03.2024 11:01 11:01