1 Алтынньы 01.10
  • -1°
  • $ 55,3
  • 52,74

Физкультурник күнүн маассабай тэрээһиннэринэн бэлиэтиэхтэрэ

Саха сиригэр атырдьах ыйын 13 күнүгэр Физкультурник күнүгэр аналлаах элбэх спортивнай тэрээһиннэр ыытыллыахтара. Бу туһунан социальнай ситимнэргэ быһаччы эфиргэ өрөспүүбүлүкэ физическэй култуураҕа уонна спорка миниистирин бастакы солбуйааччыта Александр Бугаев иһитиннэрдэ, диэн СИА кэпсиир.

«Физкультурник күнүгэр киэҥ спортивнай бырагыраама былааннанна. Дьокуускайга тута хас да спортивнай былассаакка үлэлиэҕэ, ону тэҥэ, бары муниципалитеттарга, баҕалаах дьоҥҥо аналлаах спортивнай тэрээһиннэр ыытыллыахтара», — диэтэ кини.

Миниистири солбуйааччы бэлиэтээбитинэн, Саха сирин спордун миниистирэ Леонид Спиридонов өрөспүүбүлүкэ киин куоратыгар  сарсыарда маассабай зарядка ыытыаҕа.

«Бары олохтоохтору уонна ыалдьыттары 9:00 култуура уонна сынньалаҥ пааркатыгар сарсыардааҥы «биэс биэрэстэ» сүүрүүгэ  ыҥырабыт.  Бу күн өрөспүүбүлүкэ үрдүнэн Айаал Макаров 55 сылыгар аналлаах спортинг көрүҥэр күрэхтэһиилэр ыытыллыахтара. Арассыыйа күүстээх спортсменнара кэлэллэрин күүтэбит», — диэтэ кини.

Александр Бугаев пляжнай волейбол, үгэс буолбут оҕунан ытыы буолалларын иһитиннэрдэ, оттон Дьокуускай куорат Комсомольскай болуоссатыгар маастар-кылаастар, араас көрдөрүүлэр уонна викториналар ыытыллыахтара диэтэ.

Следите за самым важным и интересным в Telegram-канале и WhatsApp-группе ЯСИА
0
0