Финляндияҕа абсолютнай ыйааһыҥҥа мас тардыһыы аан дойдутааҕы чемпионата түмүктэннэ. Саамай күүстээх мадьыны аатын Словакияттан Яна Васкова уонна Калуга куораттан Иван Галкин ситистилэр. Виктор Колибабчук уонна Сергей Фролкин бу сырыыга күрэхтэһиигэ кыттыспатылар, диэн СИА кэпсиир.
Дьахталларга Светлана Тихонова, Кристина Кочесокова, Ольга Сукач уонна да атын биллэр спортсменнар күүстээхтик бэрт былдьастылар. Манна Словакияттан Яна Васкова бастаата. Финалга кини 2:0 ахсаанынан Кыргызстан бэрэстэбиитэлин Айжан Анарбекованы кыайда.
Эр дьоннортон абсолютнай чемпионакка Саха сириттэн Сергей Фролкин уонна Смоленскай уобаластан Виктор Колибабчук кыттыбатылар. Кинилэр оннуларыгар Арассыыйа сүүмэрдэммит хамаандатын састаабыгар Иван Галкин уонна Роман Калинин кииристилэр. Түмүгэр иккиэн финалга киирдилэр, Галкин бастаата.
