20 От ыйа 20.07
  • 19°
  • $ 88,02
  • 96,04

Феодосия Габышева: Саха сиригэр учуутал хамнаһын орто кээмэйэ 54 тыһ.солк диэри тиийдэ

14:22, 24 февраля 2016
Текст:
Читайте нас на
Яндекс Новости
ЯДВ

20015 сылга педагогтар орто хамнастарын кээмэйэ уларыйда. Ол курдук, оскуола учууталларын орто хамнаһа — 54 тыһ. солк. чугаһыыр, оҕо садын — 45 тыс. тахса, эбии үөрэхтээһин тэрилтэлэрин — 49 тыһ. кэриҥэ, тулаайах оҕолору көрөр-истэр тэрилтэлэр — 54 тыһ. тахса солк. буолбутун туһунан барыллаан дааннайы үөрэх миниистирэ Феодосия Габышева эттэ.


Ыччаты иитиигэ уонна хаачыстыбалаах билиини биэриигэ учуутал анал туругун үрдэтии сүрүн миэстэни ыларын биэдэмистибэ салайааччыта ойуччу тутан бэлиэтиир. Феодосия Габышева этэринэн, аныгы технология муҥутуурдук сайдан турар кэмигэр үөрэх-билии таһыма киһи олоххо ситиһиитин сүрүн төрүөтүнэн буолар. Ол да иһин, учуутал аата-суола куруук үрдүү, өрө тахса туруоҕа.

Биллэрин курдук, 2019 сылга диэри болдьохтоох үөрэҕирии государственнай бырагырааматын чэрчитинэн педагогтар социальнай өттүнэн анал туруктарын бөҕөргөтүүгэ, эдэр учууталлары, муниципальнай тэриллиилэргэ учууталлар ассоциацияларын өйүүргэ үлэ барар. Бүтүн Россия үрдүнэн педагогическай үлэһиттэри дьиэнэн-уотунан хааччыйыы боппуруоһа сытыытык турар кэмигэр өрөспүүбүлүкэ учууталлара олорор усулуобуйаларын тупсарар кыахтаахтар. Сири биэрии, тыа сирдэригэр кэтэх дьиэни туттууну көҕүлүүллэр, үөскүүр боппуруостары, кыһалҕалары быһаараллар. Учуутал сылыгар 1500 кэриҥэ педагог дьиэтин-уотун тупсарбыт, 500 — саҥа квартираларга көһөн киирбиттэр.

Учуутал анал туругун үрдэтиигэ араас ис хоһоонноох куонкурустары ыыталлар, ол иһигэр “Сыл бастыҥ учуутала”, ону таһынан хаманаһы үрдэтиигэ ситимнээх үлэ барар.

Оскуолалары тутууга ураты улахан болҕомто ууруллар. Бүгүн учууталлар аныгы, тупсаҕай дьиэлэргэ үлэлииллэр. Ити туһунан үөрэҕирии министиэристибэтин пресс-сулууспата иһитиннэрэр.

Следите за самым важным и интересным в Telegram-канале и WhatsApp-группе ЯСИА