Алтынньы 23-24 күннэригэр Москваҕа ыытыллыбыт пауэрлифтиҥҥа аан дойду Кубогар итиэннэ армлифтиҥҥа аан дойду чөмпүйэнээтигэр Саха сирин биллэр экстремал-спортсмена, мас тардыһыыга, Нам бөҕөһө Евгений Иванов кыайыы өрөгөйүн биллэ.
Кини бэтэрээннэр ыккардыларыгар уонна аһаҕас киирсиигэ күрэхтэстэ. Сэттэ диссипилиинэттэн биэһигэр бастакы миэстэни уонна биир үрүҥ көмүс наҕарааданы ылла.
Евгений Иванов пауэрлифтиҥҥа аһаҕас киирсиигэ 140 киилэни становой тягаҕа, бэтэрээннэргэ – 300 киилэни көтөҕөн, көмүс мэтээл итиэннэ бэтэрээннэр ыккардыларыгар абсолютнай чөмпүйүөн аатын ылла.
Армлифтиҥҥа «Русская ось» диэн көрүҥҥэ 125 кг үөһээ ыйааһыннаахтарга кыттан 192,5 киилэни көтөҕөн, аһаҕас киирсиигэ үрүҥ көмүс мэтээли, бэтэрээннэргэ кыһыл көмүһү ылары ситистэ. Өссө биир кыһыл көмүс мэтээли Евгений Иванов «Русский кирпич» диэн диссипилиинэҕэ ылла.
This post was published on 27.10.2020 17:01 17:01