Саха сирин бырабыыталыстыбатын бэрэссэдээтэлэ Евгений Чекин муус устар 17 күнүгэр Таатта улууһун баһылыга Михаил Соровы кытта көрүстэ. Көрсүһүүгэ өрүттэр өрөспүүбүлүкэ уонна Таатта улууһун социальнай-экономическай сайдыыларын дьүүллэстилэр.
Евгений Чекин Михаил Соровы эрэллээх кыайыытынан эҕэрдэлээтэ. Михаил Соров куоластааһыҥҥа быыбардааччылар 60 быр. кыттыбытын, кини туһугар 3348 киһи куоластаабытын эттэ.
Билиҥҥи үлэ-хамнас туһунан кэпсииригэр Михаил Соров сүөһү кыстыга этэҥҥэ баран иһэрин иһитиннэрдэ. “Төрүөх бара турар, үүт элбээтэ. Саамай кылаабынайа – үүтү тутарыы”, — диэн бэлиэтээтэ баһылык.
СИА.
