21 От ыйа 21.07
  • 29°
  • $ 88,02
  • 96,04

Евгений Чекин: Олоҥхо ыһыаҕа ыытыллыбат диэн бырабыыталыстыба быһаарыыны ылымматаҕа

16:06, 07 апреля 2018
Текст:
Читайте нас на
Яндекс Новости
ЯДВ

Өрөспүүбүлүкэ премьерэ Евгений Чекин Алдан оройуонугар ыһыах ыытыллыбат диэн быһаарыыны ылымматаҕа диэн иһитиннэрдэ.

Олоҥхо ыһыаҕа – бу үгэстэри уонна историяны кытта сибээстээх улахан тэрээһин. Итини ыыппаппыт диэн аккаастаммаппыт”, — бэлиэтээтэ миниистирдэр кэбиниэттэрин баһылыга.

Билигин, баҕар, тэрээһиннэри ыытыы болдьоҕо уларыйыан сөп диэн боппуруос турар. “Олоҥхо” ыһыаҕар 200 мөл солк наада. Өрөспүүбүлүкэ таһымнаах киэҥ хабааннаах тэрээһининэн бу ыытыллар сир тас көстүүтүн тупсарыы, хапытаалынай өрөмүөн уонна эбийиэктэри тутуу ирдэнэр”, — диэн бэлиэтээтэ Евгений Чекин.

Кини этэринэн, билигин регион бырабыыталыстыбатын иннигэр тумус тутуллар хайысхаларга – өрөспүүбүлүкэ бүддьүөтүттэн социальнай төлөбүрдэри хааччыйар соруктары толорууга ууруллар. Маннык төлөбүрдэри үбүлүүргэ өрөспүүбүлүкэҕэ муус устар ыйыгар эбии 4,5 млрд солкуобай наада.

Евгений Чекин этэринэн, Саха сирин бүддьүөтэ муҥутуурдук социальнай диэки хайысхалаах. “Бу сыл бастакы кыбаарталыгар өрөспүүбүлүкэ судаарыстыбаннай бүддьүөтүн дохуоттаах чааһыгар 41 млрд 475 солкуобай киирбитэ. Ол эрээри дохуот киириитин таһыма үчүгэйин үрдүнэн, региоммут экэниэмикэтиттэн тутулуктаах көрдөрүүлэри толорбот буолуу куттала баар. Ол иһин бырабыыталыстыба билигин бүддьүөт ороскуотуттан таһаарыллыан эбэтэр атын болдьоххо көһөрүллүөн сөптөөх тэрээһиннэри көрөр”, — диэтэ бырабыыталыстыба бэрэссэдээтэлэ.

Санатан эттэххэ, Ил Дархан Егор Борисов ыйааҕынан өрөспүүбүлүкэтээҕи Олоҥхо ыһыаҕа бэс ыйын 30 күнүттэн от ыйын 1 күнүгэр диэри Алдан куоракка ыытыллыахтаах.

СИА.

Следите за самым важным и интересным в Telegram-канале и WhatsApp-группе ЯСИА