19 От ыйа 19.07
  • 16°
  • $ 87,88
  • 96,1

Эриэккэс көтөр өлүгэ көһүннэ

17:46, 14 мая 2018
Текст:
Читайте нас на
Яндекс Новости
ЯДВ

СӨ  Айылҕа  харыстабылын  министиэристибэтин  үлэһиттэрэ    Амма  улууһун  сиригэр-уотугар  патруллуур-рейдэлиир  дьаһалларга  сылдьан  Таҥха   үрэх  сиригэр  эриэккэс  көтөр  өлүгүн  буллулар.

Барыллаан  сабаҕалааһынынан,  бу  көтөр  (колпица)  сотолоохтор этэрээттэригэр,  ирбис  ийэ  ууһугар  киирсэр. Колпица – норуоттар  икки  ардыларынааҕы  Кыһыл  Кинигэҕэ  киллэриллибит  көтөр.  Иниспиэктэрдэр  бигэргэтэллэринэн,  бу  көтөр  Саха  сиригэр  кэлиитэ,  холобурдаатахха  фламинго  манна  көтөн  кэлбитигэр  тэҥнээх  науканан  быһаарылла  илик  соһуччу  түбэлтэнэн  буолар.

Колпица – норуоттар  икки  ардыларынааҕы  Кыһыл  Кинигэҕэ  киллэриллибит  көтөр.

Көтөр  өлүгэ  РНА  СС  Криолитозона  биологическай  проблемаларын  институтугар  биологическай-генетическэй  чиничийиигэ  тиксэрилиннэ.

Ыспыраапка:

Көтөр  үрүҥ  дьүһүннээх,  тумса,  атахтара  харалар.   Колпица – бөдөҥ,  хаас  саҕа  көтөр.  Кынаттарын  далааһына  115-145  см  кэтириир.  Көтөрүгэр  моонньун  уһатар.  Атахтарын  инники  тарбахтара    дьоҕус  ыыраахтаахтар.  Аһыыр  кэмигэр  тумсунан  туора  охсуоланарын  иһин,  колпицаны   ардыгар  “от  охсооччу”  диэн  ааттыыллар.    Колпицалар  сүнньүнэн  тростникка,  маска     мустан   уйаланаллар.   Европа  соҕуруу  өртүгэр  көстөр  бу  көтөрдөр  Африкаҕа  кыстыыллар.  Оттон  Азияҕа  олохсуйааччылар  Индияҕа,  Кытайга  кыстыы  көтөллөр.  Тыһы  колпица  3-тэн  6-ҕа  тиийэ  сымыыттыыр.  Сымыыттарын  атыырдаах  тыһы  иккиэн  21-25  суукка  устата  баттыыллар.

 Айылҕа  харыстабылын  министиэристибэтин Пресс-сулууспата.  

Следите за самым важным и интересным в Telegram-канале и WhatsApp-группе ЯСИА