17 От ыйа 17.07
  • 19°
  • $ 88,28
  • 96,26

Саха сирэ эргэ оскуолалары өрөмүөннүүргэ 387 мөл.солк. федеральнай киинтэн ылла

13:37, 29 августа 2016
Читайте нас на
Яндекс Новости
ЯДВ

Оскуолалары суһаллык өрөмүөннүөхтээх регионнар ахсааннарыгар Дагестан, Саха сирэ, Красноярскай кыраай, Карачаево-Черкесская уонна Чечен өрөспүүбүлүкэтэ, Иркутскай уобалас уонна Бурятия киирдилэр. Саха сирин үөрэххэ миниистирэ Феодосия Габышева суруналыыстары кытта брифиҥҥэ ити туһунан эттэ.


РФ бырабыыталыстыбатын селекторнай мунньаҕар РФ үөрэххэ уонна наукаҕа миниистирэ Ольга Васильева эппитинэн, 7 890 оскуола хапытаалынайдык өрөмүөннэниэхтээх. 9 тыһыынчаттан тахса тутуу аһара эргэрбит.

«Саха сиригэр эргэ, саахалланар кутталлаах оскуолалар бааллар. Ити эргэрии сүрүн төрүөтэ оскуолалар мастан тутуллубуттара буолар. Итилэри саҥа таас тутууларынан солбуйар сорук турар. Кэлиҥҥи сылларга 200 саҥа оскуола баар буолла. 2030 сылга диэри биир да эргэ, саахалланар кутталлаах социальнай эбийиэк хаалыа суохтааҕар туһаайыллыбыт соругу өрөспүүбүлүкэ баһылыга Егор Борисов туруорда. Онуоха диэри эргэ оскуолалары сыыйа-баайа саҥаларынан солбуйуохпут», — диир Феодосия Габышева.

Кини эппитинэн, быйыл федеральнай бюджеттан 387,7 мөл.солк. суумалаах субсидия бэриллибит. Ити үп-харчы оскуоларга биир сменалаах үөрэҕи хааччыйыыга, ону таһынан 50 тахса бырыһыан эргэрбит оскуолалартан үөрэнээччилэри көһөрүүгэ ананар. Ол курдук, Дьокуускайга геологтар бөһүөлэктэригэр 18-с №-дээх 360 миэстэлээх саҥа оскуола тутуллар.

«Ону таһынан федеральнай үп-харчы суотугар биэс муниципальнай оройуоннар оскуолаларыгар хапытаалынай өрөмүөн оҥоһуллар. Бу оскуолалар хааччылыылара аныгы ирдэбилгэ сөп түбэһиэхтээх», — диир миниистир.

Следите за самым важным и интересным в Telegram-канале и WhatsApp-группе ЯСИА