Бырабыыталыстыба бэрэссэдээтэлэ Кирилл Бычков эпос уона искусство Арктикатааҕы киинин тутуутунан миэстэтигэр мунньах ыытта. Кини кыһыҥҥы кэмҥэ эмиэ үлэни тохтоппокко ыытарга бэлэмнэнии туһунан сорук туруорда. Ил Дархан Айсен Николаев эбийиэги 2025 сыл бастакы аҥарыгар үлэҕэ киллэрэри сорудахтаабыта.
Тутуу тэтимэ түргэн. Сарайыгар сылааһы тутар матырыйаал умайыыта тахсыбыта харгыстары үөскэттэ.
Билигин былаһааккаҕа 330-тан тахса киһи үлэлиир, инженернай-техническай персоналы киллэрэн туран, 12 техника баар.
Кииҥҥэ филармония уонна эпос киинэ 1530 миэстэлээх холбонор, аныгылыы тэрилинэн хааччыллар — классическай кэнсиэртэри ыытыттан саҕалаан, тыйаатыр туруорууларыгар тиийэ. Манна быыстапкалар уонна дьыалабыай көрсүһүүлэр тэриллэр анал сирдээх буолуоҕа.
Хаартыска: sakha.gov.ru
