14 От ыйа 14.07
  • 24°
  • $ 87,74
  • 95,76

Энергетиктэр кыстыгы туоруурга бэлэмнэр

14:43, 09 ноября 2016
Текст:
Читайте нас на
Яндекс Новости
ЯДВ

Хоту уонна Арктика улуустарын электричество уотунан хааччыйар улахан эппиэтинэскэ сылдьар «Сахаэнерго» энергетическэй хампаанньа  кыстыгы этэҥҥэ туоруурга өрөмүөн үлэтин ыытта.


Ол курдук хочуоллары, трансформатордары уонна трансформаторнай подстанциялары, ититии ситимнэрин өрөмүөннээтилэр. Улахан былааннаах өрөмүөн үлэтэ уот ситимигэр оҥоһулунна. Маны кэккэ 112 дизельнэй оборудованиены өрөмүөннээтилэр. Быйылгыттан хампаанньа учаастага биллэрдик кэҥээн, алта улууска баар 21 дизельнэй электростанцияны эбии  сыһыарбыттара.

Навигация кэмигэр уу таһыма намыһах да буоллар, энергетиктэр ууһуттар көмөлөрүнэн былааннааммыт уматыгы миэстэтинэн тириэрдибиттэрэ. Дизельнэй электростанциялар наадыйыыларыгар туһуламмыт 75 тыһ. тоннаттан тахса дизельнэй уматыгы, 2 тыһ. тоннаттан тахса ньиэби уонна 17,5 тыһ.тонна таас чоҕу уу суолунан тиэйбиттэрэ.

Быйыл Өлөөн улууһун Дьилиҥдэтигэр 900 кВт кыамталаах саҥа дизельнэй электростанция тутуллан үлэҕэ киллэрилиннэ. Итиэннэ “Сахаэнерго” үлэһиттэрэ Алдан улууһун Үөһээ Амма нэһилиэгэр уонна  Өлүөхүмэ икки нэһилиэгэр күн күүһүнэн үлэлиир үс саҥа электростанцияны туттулар.

Следите за самым важным и интересным в Telegram-канале и WhatsApp-группе ЯСИА