15 От ыйа 15.07
  • 29°
  • $ 87,74
  • 95,76

Эмискэ Илья Солдатов кэриэһигэр ыытыллар тустууга саҥа мааттар тэлгэниэхтэрэ

11:01, 16 февраля 2022
Текст:
Читайте нас на
Яндекс Новости
ЯДВ

Эмис баһылыга Прокопий Бубякин „Триумф“ өрөспүүбүлүкэ сүүмэрдэммит хамаандаларын бэлэмниир Киин генеральнай дириэктэрэ Михаил Пахомовтыын кэпсэтэн тустуу мааттара кэлэллэрин ситистэ. FILA (UWW) сертификациялаах маат комплега нэһилиэккэ тустууну сөргүтүүгэ олук ууруо.

Эмис уруккуттан тустууктарынан аатырбыт нэһилиэк. Билигин да хапсаҕайга улууска бастыҥнар. Ньургун Наумов, Александр Ларионов курдук Эмистэн төрүттээх улуус чемпионнарыгар солбук бэлэмниэхпитин баҕарар буоллахпытына хаачыстыбалаах спортивнай инвентарынан хааччылыы быстыа суохтаах диэн баһылык Прокопий Петрович санаалаах. Саҥа көлүөнэ сайдыытыгар үчүгэй инвентары таһынан тустуу тренерин штата эмиэ наада. Бу боппуруоска баһылык Прокопий Бубякин  Михаил Пахомовтыын уонна Амматааҕы оҕо спортивнай оскуолатын кытта кэпсэтиини ыытар.

— Михаил Дмитриевич 700 тыһыынча солкуобайдаах бу улахан бэлэҕин Илья Анатольевич Солдатов кэриэһигэр ыытыллыахтаах тустууга турнир кэмигэр, бэйэтэ Эмискэ кэлэн, официальнайдык туттарыаҕа. Турнирга бу маат тэлгэниэҕэ, — диэн Прокопий Бубякин инстаграм сирэйигэр сонунун үллэстэр.

Ааптар: Прасковья Бубякина.

Следите за самым важным и интересным в Telegram-канале и WhatsApp-группе ЯСИА