Нерюнгри куоракка киһини өлөрбүт эр киһини психиатрическэй балыыһаҕа эмтэнэригэр күһэйэр уураах таҕыста диэн Силиэстийэлиир кэмитиэт силиэстийэлиир управлениетын пресс-сулууспата иһитиннэрэр.
Силиэстийэ быһаарбытынан, 2023 сыл атырдьах ыйын 13 күнүгэр 64 саастаах эр киһи Нерюнгри куорат Норуоттар доҕордоһууларын проспегар баар дьиэ кыбартыыратыгар сылдьан, 82 саастаах эмээхсини быһаҕынан хаста да анньыбыт. Бу түмүгэр эмээхсин сонно тута өлбүт.
Силиэстийэ кэмигэр ыытыллыбыт психологическай-психиатрическай эспэртиисэ быһаарбытынан, бу киһи уйулҕа өттүнэн ыалдьар, тугу оҥорорун үчүгэйдик өйдөөбөт эбит. Онон тулалыыр дьоҥҥо кутталы үөскэтэр диэн, психиатрическай балыыһаҕа эмтэнэригэр мэктиэлээбиттэр.
Нерюнгри куораттааҕы силиэстийэлиир отдел хомуйбут дакаастабыллара суутунан бигэргэнэн, психиатрическай балыыһаҕа күһэлэҥ эмтэниини ааһарыгар төрүөт буолла. Кини РФ Холуобунай кодексын 105 ыстатыйатын 1 чааһын ыстатыйатынан ыар буруйу оҥорбут.
Холуобунай дьыаланы көрөн баран, суут бу киһи психиатрическай балыыһаҕа күһэлэҥ эмтэнэригэр миэрэ ылынарга уураахтаабыт.
Ангелина Васильева, Саха сирэ
This post was published on 17.11.2023 15:08 15:08