Бу туһунан РФ Бырабыыталыстыбатын муус устар 9 күнүнээҕи уурааҕар бырабыыталыстыба бэрэссэдээтэлэ Михаил Мишустин илии баттаата.
Элбэх оҕолоохтор тустаах докумуонунан олорор сирдэриттэн тутулуга суох хас биирдии дьиэ кэргэн чилиэнигэр босхо билиэттэри оҥотторуохтара. Билиэттэри ылыы бэрээдэгин уонна усулуобуйатын туһунан иһитиннэриилэр тэрилтэ официальнай саайтарыгар, стендэлэргэ эбэтэр атын табыгастаах ньымаларынан тахсыахтара. Босхо сылдьарга ханнык тэрилтэлэр өҥө оҥороллорун туһунан испииһэги «Госуслуги» порталга билсиэххэ сөп. Билигин култуура сорох тэрилтэлэрэ ураты чэпчэтиилээх күннэри олохтууллар – холобур, ыйга иккитэ.
«Билигин элбэх оҕолоохтор ханнык баҕарар табыгастаах кэмҥэ тэрилтэҕэ босхо киириэхтэрин сөп», – диэн дойду Бырабыыталыстыбатын мунньаҕар бырабыыталыстыба бэрэссэдээтэлэ чопчулаата.
Санатан эттэххэ, 2024 сыллаахха Владимир Путин Ыйааҕынан элбэх оҕолоох ыалларга эбии социальнай өйөбүллэр көрүллүбүттэрэ.
This post was published on 15.04.2025 13:13 13:13