Саха сиригэр олорор элбэх оҕолоох ыал 18 саастарыгар диэри оҕолоругар оскуолаҕа кэтэр таҥаһы атыылаһалларыгар анаан төлөбүр көрүллэр диэн СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.
Үлэ уонна социальнай сайдыы министиэристибэтин дааннайынан, 2024 сылга төлөбүр суумата 4 302 солкуобайга тэҥнэспит. Төлөбүр сыллата индексацияланар. Маны сыл устата хаһан баҕарар ылыахха сөп.
Бу эрэгийиэннээҕи миэрэ киин оройуоннарга (2 зона) дохуот орто кээмэйэ 24 925 солк. кыра буоллаҕына, оттон Арктика оройуоннарыгар (1 зона) 29 758 солк. кыра буоллаҕына көрүллэр.
Төлөбүрү ылар туһуттан биир төрөппүт www.e-yakutia.ru электроннай сайабылыанньаны суруйан ыытыан эбэтэр МФЦ нөҥүө ыытыахха сөп.
This post was published on 14.08.2024 15:51 15:51