Госдуума дьиэ кэргэни көмүскүүр, аҕа, ийэ уонна оҕо аймах боппуруостарыгар кэмитиэтин баһылыга Нина Останина Арассыыйаҕа элбэх оҕолоох эр дьоҥҥо «Герой-аҕа» ааты иҥэрэргэ ыҥырда. Ол туһунан РИА Новости суруйар.
“Герой-ийэ аата эрэ буолбакка, уопсастыбаҕа «герой-аҕа» да өйөбүлү ыларын баҕарабын. Ол санаам туоларын олус баҕарабын. Тоҕо диэтэххэ, биһиги аҕабыт оруолун, ордук бүгүн, биһиги уопсастыбабытыгар эр дьон оруолун сыаналыахтаахпыт дии саныыбын»,- диэтэ Останина «Россия бүгүн» медиа- бөлөх аан дойдутааҕы мультимедийнай пресс-киинигэр пресс-конференцияҕа.
Парламентарий санаатынан, бу быһаарыыны ылыы дойдуга демографическай балаһыанньаны тупсарыа.
Эрдэ РФ президенэ Владимир Путин Россия былаастара элбэх оҕолоох ыаллар аҕаларыгар чэпчэтиилэри киллэрии боппуруоһун быһаарсыбыттара ыраатта диэн иһитиннэрбитэ.
