Дьиэлэргэ хапытаалынай өрөмүөн бырагырааматынан 155 элбэх кыбартыыралаах дьиэҕэ 315 эргэ лифт уларытылынна. Быйыл эбии 17 дьиэҕэ лифтара саҥардыллыаҕа, Дьокуускайга, Мииринэйгэ, Нерюнгрига.
Регион хапытаалынай өрөмүөҥҥэ пуондатын сүрүннүүр инженера Василий Кулаковскай эппитинэн, бэдэрээт үлэтэ саҕаланна. Холобур, 202-с микрооройуон 18-с куорпуһугар эргэ лифт көтүрүлүннэ, саҥаны таҥан эрэллэр.
«Лифтремонт» кылаабынай инженера Роман Щуренко эппитинэн, лифт 25 сыл үлэлиир болдьохтоох, онон бырагыраамаҕа киирбит дьиэлэргэ өрөмүөн саҕаланна. Кини быһаарбытынан саамай бастыҥ хаачыстыбалаах Могилевскайдааҕы собуот лифтара туруоруллаллар.
