Сиэрэй өҥнөөх сөҥүүнү экология министиэристибэтин сотрудниктара Нерюнгри оройуонун Кривой үрэх анныттан буллулар. Исписэлиистэр, уу күлүнэн киртийдэ диэн иһитиннэриини тутаат, кулун тутар 17 күнүгэр миэстэтигэр тиийэн үлэлээтилэр. Ол туһунан биэдэмистибэ пресс-сулууспата суруйда.
Кривой үрэх Нерюнгритааҕы ГРЭС ууну мунньар эбийиэгэр түһэр. Хараҕынан көрүүгэ кирдээх уу аһаҕастык эбийиэккэ кута турара бэлиэтэммэтэ.
Уу боруобатын уонна үрэх төрдүттэн сөҥмүт кири ыллылар, экология министиэристибэтин лабораториятыгар экспертизаҕа ыытылынна.
Булгуччулаах ирдэбиллэргэ сыана туруоруллуоҕа. Маны сэргэ миэстэтигэр тиийэн үлэ түмүгэ кэтээн көрөр уоргаттарга тириэрдилиннэ.
This post was published on 18.03.2025 17:02 17:02