Экология министиэристибэтэ балыктааһын быраабылатын санатар

Балыктыылларын сөбүлээччилэр РФ Тыа хаһаайыстыбатын министиэристибэтэ бигэргэппит балыктааһын Быраабылатын тутуһуохтаахтар. Саха сиринээҕи экология министиэристибэтэ сүрүн балаһыанньалары билиһиннэрдэ.

Балык ыыр кэмигэр илимнээһин бобуллар:

Анаабыр, Өлөөн, Булуҥ, Эдьигээн, Усуйаана, Абый — ыам ыйын 25 — бэс ыйын 25 уонна балаҕан ыйын 25 — алтынньы 25 күннэрэ;

Аллайыаха — ыам ыйын 25 — бэс ыйын 25 (Индигирка өрүс сүнньүттэн ураты) уонна балаҕан ыйын 25 — алтынньы 25 күннэрэ;

Аллараа Халымаҕа — ыам ыйын 25 — бэс ыйын 25 (Халыма өрүс сүнньүттэн ураты) уонна балаҕан ыйын 25 — алтынньы 25;

Мииринэй, Үөһээ Бүлүү, Бүлүү, Ньурба, Сунтаар, Алдан, Амма, Ленскэй, Өлүөхүмэ, Нерюнгри, Уус Майа, Таатта, Томпо, Уус Алдан, Чурапчы, Мэҥэ Хаҥалас, Хаҥалас, Горнай, Нам, Кэбээйи, Дьааҥы, Эбээн Бытантай, Муома, Өймөкөөн, Үөһээ Халыма улуустара уонна Дьокуускай куоракка бас бэринэр административнай территориялар — ыам ыйын 15 — бэс ыйын 15 уонна балаҕан ыйын 20 — алтынньы 20 күннэрэ;

Орто Халыма — ыам ыйын 15 — бэс ыйын 15 (Халыма өрүс сүнньүттэн ураты) уонна балаҕан ыйын 20 — алтынньы 20.

Сиһилии: https://ysia.ru/lyubitelyam-napominayut-o-pravilah-rybolovstva/