18 От ыйа 18.07
  • 17°
  • $ 88,09
  • 96,3

Экология фондатын инникитин быһаарары дьокутааттар туруорсаллар

13:46, 14 декабря 2016
Читайте нас на
Яндекс Новости
ЯДВ

2014 сыллаахха ахсынньы 15 күнүгэр Егор Борисов көҕүлээһининэн тэриллибит экологияҕа куттал суох буолуутугар тус сыаллаахтык үлэлиэхтээх фонданы сыл аайы 47,7 мөл.солк. үбүлүүргэ дьокутааттар этиилэрэ 2017 уонна былааннаммыт 2018-2019 сыллааҕы бюджекка киирбэтэ.


Маннык туруорсууну сир сыһыаннаһыыларын уонна айылҕа ресурсаларын кэмитиэтэ киллэрбит. Итини Судаарыстыбаннай Мунньах (Ил Түмэн) киэҥ ыҥырыылаах мунньаҕар ырыттылар.

Фондаҕа анаан эбии үп-харчы булуллуохтааҕа. Холобур, айылҕаны туһанааччылар баайга-дуолга усунуостарыттан үөскэтиллиэхтээҕэ.

Үбүлээһин тула ырытыһыы, кэпсэтиһии бүгүн эрэ саҕаламматаҕа. Бюджеттан спонсордааһын эмиэ сатаммат. Тоҕо диэтэххэ, фонда коммерческайа суох тэрилтэ быһыытынан сылдьар, оттон быһа ассигнование бюджет сокуонун кэһэр.

Үп миниистирэ Валерий Жондоров миниистирэдэр кабинеттара 2017 сылга фонданы өйүөхтэрин, ол эрээри ол үбүнэн-харчынан буолбатаҕын туһунан эттэ.

«Эһиилгиттэн ыла бырабыыталыстыба экологическай фонда тула үлэлиэ, ол эрээри маннык ньыманан буолбатах», — диир кини.

Экологическай фонда инникитин туһунан бастакы вице-премьер Петр Алексеев быһаарда. Кини үүнэр көлүөнэ уонна экофонданы кэлэр сыл кулун тутар 1 күнүттэн холбуур туһунан быһаарыы ылыллыбытын эттэ.

«Экология фонданы үбүнэн-харчынан өйүүргэ сыл саҥата 2,6 мөл.солк., уонна сыл бүтүүтэ 2 мөл.солк. анаммыта. Туспа дьаһалтаны, салайар аппарааты тутан олорбот туһугар бу фондалары холбуур туһунан бырабыыталыстыба бэрэссэдээтэлин кытта  быһаарбыппыт. Төһө да холбооһун оҥоһуллубутун иһин, экология фондата туспа тэрилтэ быһыытынан үлэлиир», — диэтэ кини.

«Фонданы сир, халлаан икки ардыгар хаалларбаппыт: үлэтин булгуччу өйүүбүт», — диэтэ Петр Алексеев.

Следите за самым важным и интересным в Telegram-канале и WhatsApp-группе ЯСИА