«Сахамедиа» холдинг «Сүрүн ыйытык» мультимедийнай бырайыак үһүс таһаарыытыгар анаан ыйытыктары хомуйар. Биэрии ыытааччыта холдинг генеральнай дириэктэрэ Кирилл Алексеев.
Өрөспүүбүлүкэ олохтоохторо регион социальнай-экономическай, уопсастыбаннай-бэлитиичэскэй кыһалҕаларыгар сыһыаннаах ыйытыктары өрөспүүбүлүкэ баһылыгын кытта ырытар кыахтаахтар.
Экспердэр: холдинг суруналыыстара уонна оройуоннар хаһыаттарын бэрэстэбиитэллэрэ тыҥаан турар биэс тиэмэни талыахтара. Ити талыллыбыттан дьон өрөспүүбүлүкэ баһылыгар туруорар ыйытыгын куоластааһын нөҥүө быһаарыахтара.
Бырагыраама видео биэрсийэтэ СИА порталыгар, матырыйааллар «Якутия» уонна «Саха сирэ» хаһыаттарга бэчээттэнэллэр.
Дьон ыйытыгын хомуйуу чэппиэргэ, ахсынньы 15 күнүгэр түмүктэнэр. Ыйытыгы манна биэриэххэ сөп. Егор Борисовтыын кэпсэтэр түгэни мүччү тутума!
