Госдуума дьокутаата Галина Данчикова Саха сирин баһылыгын Егор Борисовы кытта көрсүһүүтэ буолла. Кинилэр өрөспүүбүлүкэ тыын боппуруостарын федеральнай таһымҥа хайдах көмүскүүр туһунан сүбэлэстилэр.
Галина Данчикова Егор Борисовы СӨ Нэһилиэнньэ дьарыктаах буолуутун судаарыстыбаннай кэмитиэтин көһө сылдьар мунньаҕар кыттытыын туһунан иһитиннэрдэ. Манна нэһилиэнньэ үлэлээх буолуутугар көмөлөһүүгэ, ол иһигэр инбэлииттэргэ сыһыаннаан федеральнай сокуоннаһы тупсарыы туһунан дьүүллэспиттэр. Покровскайга ыытыллыбыт мунньах кыттыылаахтара “Арассыыйа Федерациятын нэһилиэнньэтин дьарыктаах буолуутун туһунан” федеральнай сокуоҥҥа кэтэх хаһаайыстыбалаах гражданнары дьарыктааҕынан билинэр туһунан уларытыыны киллэриини кэпсэттилэр.
Маны сэргэ Галина Данчикова Хаҥалас улууһун олохтоохторун кытта биирдиилээн сирэй кэпсэтиитин түмүгэр туруоруллубут боппуруостарга Егор Борисов болҕомтотун тарта. Ол курдук, дьону саахалламмыт дьиэлэртэн көһөрүү федеральнай бырагырааматын болдьоҕун уһатыыга сыһыаннаах.
Түмүккэ Егор Борисов Галина Данчикова Судаарыстыбаннай Дуумаҕа ыытар үлэтигэр үрдүк сыанабылы биэрдэ
СИА.
