Саха сирин баһылыга Егор Борисов Уһук Илин федеральнай уокуругун губернатордарын рейтинигэр бастакы кирбиигэ таҕыста. Рейтини «Медиалогия» компания оҥорор. Иккис миэстэни Приморье кыраайын салайааччыта Владимир Миклушевскай, оттон үсүһү Хабаровскай кыраай губернатора Вячеслав Шпорт ылла.
От ыйыгар президент Владимир Путин Егор Борисовы кытта оробуочай көрсүһүүнү ыыппытын туһунан көрдөрөр-иһитиннэрэр тиһиктэргэ киэҥник суруллубута, көрдөрүллүбүтэ. Манна регион социальнай-экономическай туруга, ону таһынан инники сайдыытын ырыппыттара.
Дьокуускайга «Азия оҕолоро» норуоттар икки ардыларынааҕы спортивнай оонньуу ыытыллыбытын, онно хаһааҥҥытааҕар да элбэх кыттааччы кэлбитин, Россия сүрүн тэрийээччи буоларынан, аны аҕыс сылынан бу күрэхтэһиилэри өссө тэрийэрин туһунан Саха сирин баһылыга эппитэ. Ону таһынан көрдөрөр-иһитиннэрэр тиһиктэргэ Егор Борисов спортивнай оонньууларга тыл эппитин уонна региоҥҥа кыһыҥҥы оонньуулары ыытар туһунан көҕүлээһини киллэрбитин суруйбуттара.
This post was published on 05.08.2016 11:14 11:14