21 От ыйа 21.07
  • 28°
  • $ 88,02
  • 96,04

Егор Борисов Судаарыстыбаннас күнүнэн эҕэрдэтэ

10:43, 27 сентября 2016
Текст:
Читайте нас на
Яндекс Новости
ЯДВ

Бука барыгытын Саха Өрөспүүбүлүкэтин Судаарыстыбаннаһын күнүнэн истиҥник эҕэрдэлиибин!


1990 сыллаахха, балаҕан ыйын 27 күнүгэр Дьокуускайга судаарыстыбаннай

Сүбүрүнүтүөт туһунан декларация ылыллыбыта. Бу тутаах суолталаах докумуон Саха сирин инникитин түстээбитэ. Манна олоҕуран туох-ханнык иннинэ өрөспүүбүлүкэни бэйэбит сайыннарар быраабы ылбыппыт. Ону таһынан ким да ыйыыта-кэрдиитэ суох сүрүн быһаарыылары бэйэбит ылынар кыахтаммыппыт.

26 сыл аннараа өттүгэр норуот дьокутааттар нөҥүө Саха сирэ РФ састаабыттан тахсыбатын туһунан биллэрбитэ.

Сүбүрүнүтүөт туһунан декларацияҕа киирбит бириинсиптэргэ олоҕуран, Саха сирин ХХI үйэҕэ олоҕун чопчутук уонна чуолкайдык оҥорон көрөр буолбуппут.

Бүгүн өрөспүүбүлүкэ сиригэр-уотугар промышленнай, социальнай баараҕай бырайыактар олоххо киирэллэр, олох бары эйгэтэ тупсарыллар, саҥардыллар, аныгы технология туттуллар.

Биһиги букатын атын, саҥа сыалы-соругу туруорунабыт. Уопсастыба айар көҕүллээһиннэрин өйөөһүн булгуччу баар буолуохтааҕын өссө төгүл бэлиэтээн этэбин.

Саха сирин хас биирдии олохтооҕун айымньылаах үлэтиттэн, сомоҕолоһуутуттан Россия федеративнай тутула бигэтийэр. Мантан тирэҕирэн дьон олоҕун таһыма үрдүүр.

Бука барыгытыгар чиҥ доруобуйаны, саҥа саҕалааһыннарга ситиһиилэри, сарсыҥҥы күҥҥэ эрэли!

Следите за самым важным и интересным в Telegram-канале и WhatsApp-группе ЯСИА