Ил Дархан Егор Борисов бүгүн Амма улууһун олохтоохторун кытары көрсүһүүгэ бу сайын Аммаҕа буолуохтаах Саха сирин норуоттарын спортивнай оонньууларын эһиилгээҥҥэ диэри көһөрөргө этии киллэрдэ.
Санатан эттэххэ, оонньуулар атырдьах ыйын 1-5 күннэригэр ыытыллыахтаахтар. Бу чэрчитинэн, Аммаҕа 3 тыһыынча миэстэлээх стадион, элбэх функциялаах спортивнай саала, Бөтүҥҥэ, Чапчылҕаҥҥа – спортивнай саалалар тутулла сылдьаллар.
“Тэрээһиҥҥэ көрүллэр харчыны халаан содулун туоратыыга ыытыахха сөп. Итини толкуйдаан көрүҥ. Халаан содулун туоратыы үлэтэ тэҥинэн ыытыллара уустук буолуоҕа”, — диэн Ил Дархан нэһилиэнньэҕэ туһаайан эттэ.
Аграфена КУЗЬМИНА, “Саха сирэ” хаһыат.
This post was published on 10.05.2018 19:56 19:56