21 Тохсунньу 21.01
  • -48°
  • $ 73,82
  • 83,32

Егор Борисов: Саха сирэ "Азия оҕолоро" VI Оонньуу кыттыылаахтарын уонна ыалдьыттарын көрсөргө 100% бэлэм

11:11, 06 июля 2016

Саха сирэ от ыйын 6 күнүгэр стартыыр «Азия оҕолоро» VI Норуоттар икки ардыларынааҕы спортивнай Оонньууну ыытыыга бэлэм. Бу туһунан «Саха» НКИК ханаалынан Ил Дархан Егор Борисов эттэ. 


«Бэлиэтээн этиэм этэ, Саха сирэ «Азия оҕолоро» VI Оонньуу кыттыылаахтарын уонна ыалдьыттарын көрсөргө 100% бэлэм. Күрэхтэһии сытыытык уонна киирсиилээхтик барарыгар эрэллээхпин. Тоҕо диэтэххэ, Ооньууга Россия регионнарыттан уонна тас дойдулартан интэриэс улаатар. «Азия оҕолоро» 20 сыллаах историятыгар Олимпийскай оонньуулар элбэх чемпионнарыгар уонна кыттыылаахтарыгар старт биэрэр былаһааккатыгар кубулуйда», — диэтэ Егор Борисов.

VI-с «Азия оҕолоро» Дьокуускай куоракка от ыйын 6-тан 17-гэр диэри ыытыллар. 36 дойдуттан 3 329 эдэр спортсмен кыттар. Күрэхтэһиилэр 22 спорт көрүҥэр ыытыллаллар. 695 судьуйа үлэлиир. 321 мэтээл комплега оонньонор. Оонньуулар ыытыллалларыгар 50 объект үлэлиир.

0
0
21 января 21.01
  • -48°
  • $ 73,82
  • 83,32