23 От ыйа 23.07
  • 21°
  • $ 87,78
  • 95,76

Егор Борисов Ил Түмэн салалтатын кытта көрүстэ

17:26, 12 марта 2016
Текст:
Читайте нас на
Яндекс Новости
ЯДВ

Саха Өрөспүүбүлүкэтин Ил Түмэн 21-с уочараттаах мунньаҕын иннинэ Егор Борисов, куруук буоларын курдук, кэмитиэттэр  уонна фракциялар салайааччыларын кытта көрсөн кэпсэттэ. 


Ил Дархан көрсүһүү кэмигэр сыл саҕаланыытыгар буолбут биллэр-көстөр тэрээһиннэргэ сыанабыл биэрдэ. Ордук чуолаан бырабыыталыстыба нэһилиэнньэ иннигэр отчуотугар тохтоото. Отчуоту «кусталарынан» арааран ыытыы киэбин киллэрэ сатаабыт үрдүнэн, дьон ылымматаҕын, онон инникитин өрөспүүбүлүкэ хас биирдии нэһилиэнньэлээх пуунугар тиийэн отчуоту ыытыыны хаалларар туһунан эттэ.

Дьон туруорсуута улам боччумнаммыта, дьоһуннаах этиилэр киирбиттэрэ этилиннэ. «Урукку курдук муниципальнай таһымнаах ыйытыылары биэрииттэн туттунуу баар. Тус бэйэ интэриэһинэн ыйытыылар ахсааннара аҕыйаабыт. Сибээс, Интернет, ититиинэн хааччыйыы, социальнай объектары тутуу, суол-иис кыһалҕалара этилиннилэр», — диэтэ Егор Борисов. Биллэн турар, уонна аан дойду үрдүнэн буола турар политическай тыҥааһын дьону долгутара баар суола этилиннэ. Егор Борисов: «Төһө да балаһыанньа ыараханын иһин, өрөспүүбүлүкэ экономикатын көрдөрүүлэрэ дойду орто көрдөрүүтүттэн үчүгэй», — диэтэ.

Ил Дархан ахсынньыттан кулун тутар ыйга диэри федеральнай таһымҥа үгүс үлэни ыыппытын эттэ. Ол эбэтэр ордук бөдөҥ инвестициялары регион диэки хайыһыннарыыга, үөрэхтээһин уонна наука эйгэтин тупсарыыга, «Уһук Илиҥҥи гектар» сокуон барылын дьүүллэһиигэ элбэх үлэ ыытыллыбыт. Үгүс туруорсуу РФ бырабыыталыстыбатынан өйөммүтэ этилиннэ.

Буолуохтаах  мунньахтарыгар депутаттар Ил Дархан уонна СӨ бырабыыталыстыбата киллэрэр сокуон көҕүлээһиннэригэр болҕомтолоохтук сыһыаннаһалларыгар Ил Дархан санаатын тириэртэ. Ол эбэтэр «СӨ нолуогун бэлиитикэтин туһунан», «СӨ олохтоох бэйэни салайыныы туһунан», «1941-1945 с.с. Аҕа дойду улуу сэриитин кэмигэр төрөппүттэрин сүтэрбит дьон социальнай мэктиэлэрин туһунан» сокуон барылларыгар көннөрүүлэри киллэрии оруолун, суолтатын сөптөөхтүк сыаналыылларыгар эттэ. Маны таһынан «СӨ төрөппүт эппиэтинэһин туһунан» сокуон барылын тула кэпсэттилэр.

Бу туһунан egorborisov.ru сайт суруйда.

Следите за самым важным и интересным в Telegram-канале и WhatsApp-группе ЯСИА