Уһук Илин инники сайдыыта Госудма оҥорбут тилэри толкуйдаммыт, чопчу уонна чуолкай мехнизымнарыттан быһаччы тутулуктаах. Ити туһунан Саха сирин баһылыга Егор Борисов «Россия сегодня» агентствоҕа биэрбит интервьютугар эттэ.
Балаҕан ыйын 18 күнүгэр талыллыбыт Госдума саҥа састаабын бастакы мунньаҕа буолла.
«Сокуону оҥорор уоргантан элбэҕи күүтэбит. Бастатан туран, Госдума Уһук Илини сайыннарар чопчу уонна чуолкай мехнизымнары оҥоруохтаах. Итинтэн дойду бүтүннүүтүн сайдыыта тутулуктанар. Туһаҕа тахсыбакка турбут сир-уот, кыах Арассыыйа туһугар үлэлиэхтээхтэр», —диир Егор Борисов.
Регион баһылыга эппитинэн, «Биир ньыгыл Арассыыйа» баартыйаттан талыллыбыт элбэх дьокутаат РФ субъектарын араас санааларын аахсарга, учуоттуурга олугу ууруохтаах.
