26 От ыйа 26.07
  • 20°
  • $ 85,41
  • 93,17

Егор Борисов: Госдума кандидатыгар мандаат иһин киирсии чэпчэки буолуо суоҕа

12:24, 29 июня 2016
Текст:
Читайте нас на
Яндекс Новости
ЯДВ

Егор Борисов «Биир ньыгыл Россия» XV-с съеһин пленарнай мунньаҕын II түһүмэҕэр кытынна. Пленарнай мунньах кэмигэр баартыйа быыбар иннинээҕи бырагыраамата уонна Госдума быыбарыгар кандидаттар испииһэктэрэ бигэргэннэ.


Саха сирэ РФ субъектарыттан соҕотох регионнааҕы бөлөхтөннө. Маннык бөлөхтөнүү экспердэр этэллэринэн, баартыйа тиһигин тутууга өрөспүүбүлүкэ үлэтин үрдүктүк сыанаалааһын буолар. Эрдэ Саха сирэ куруук Хабаровскай кыраайы, Амур уобалаһын уонна Еврейскэй автономнай уокуругу кытта биир холбоһуктаах испииһэккэ киирэр этэ. Онон, урукку быыбардардааҕар Саха сирэ Госдума быыбарыгар хас да мандааты ылар кыахтанар.

Дмитрий Медведев этиитинэн Саха сиринээҕи бөлөҕү Егор Борисов баһылыыр. Кинини кытта бөлөххө праймериз кыайыылаахтара Галина Данчикова, Юрий Куприянов, Чокуур Гаврильев, Владимир Аммосов уонна Сахамин Афанасьев киирдилэр.

Баартыйа генеральнай сэбиэтин сэкэритээрэ Сергей Неверов «паровоз» практиката тохтообутун этэр. Сорох регионнар эрэ баһылыктарыгар итэҕэл бэриллибит. «Сокуон быһыытынан, баартыйа бырагырааматын туһунан регистрацияны ааспыт кандидаттар эрэ кэпсиир бырааптаахтар. Дьон-сэргэ итэҕэлинэн туһанар регион баһылыктара баартыйа аатыттан этэллэрэ, дебаттарга кытталлара биһиэхэ ураты улахан суолталаах. Маннык практиканы атын политическай күүстэр туһаналлар», — диир кини. Егор Борисов Саха сирэ регионнааҕы бөлөхтөммүтэ ураты итэҕэл бэлиэтэ буоларын ойуччу тутан эттэ.

«Биир ньыгыл Россия» биир мандааттаах 18 уокурукка, ол иһигэр Саха сиригэр кандидаттары туруорбатын туһунан съезкэ биллэрбитэ.

Дмитрий Медведев этэринэн, ити элбэх баартыйалаах систиэмэни бигэтитиигэ анаан оҥоһуллар.

Егор Борисов Госдума кандидатыгар мандаат иһин киирсии Саха сиригэр чэпчэки буолуо суоҕун, «Биир ньыгыл Россияны» судургута суох тургутан көрүү күүтэрин ыйар.

«Баартыйа уларыйар, кини кэккэтигэр саҥа күүс эбиллэр, эдэр дьон киирэллэр. Кинилэр дьон кыһалҕатын истэр уонна көрөр кыахтаахтар», — диир.

«Атын баартыйалары кытта тэҥнээтэххэ «Биир ньыгыл Россия» дьон интэриэһин туруулаһан олоххо киллэрэр. Атыттар кириитикэлиир кэмнэригэр биһиги үлэлиибит. Баартыйа эрэннэриинэн муҥурдаммакка, эппиэтинэстээх быһаарыылары ылынар. Ити билэн турар, России тутуһар суолун бөҕөргөтөр. Владимир Владимирович Путин итинник сыалы-соругу туруорарын санатар оруннаах», — диир Саха сирин баһылыга.

Следите за самым важным и интересным в Telegram-канале и WhatsApp-группе ЯСИА