15 От ыйа 15.07
  • 17°
  • $ 87,74
  • 95,76

Егор Борисов бырабыыталыстыбаҕа уонна дьаһалтаҕа махтанна

18:00, 29 мая 2018
Текст:
Читайте нас на
Яндекс Новости
ЯДВ

Егор Борисов СӨ Бырабыыталыстыбатын, СӨ Ил Дарханын уонна СӨ Бырабыыталыстыбатын Дьаһалтатын кытта киэһээҥҥи сүбэ мунньаҕы ыытта уонна бэйэтин баҕа өттүнэн Саха Өрөспүүбүлүкэтин баһылыгын боломуочуйатын болдьоҕун иннинэ тохтотор туһунан быһаарыныытын биллэрдэ.

“Бастакытынан, бары таһымҥа каадыр ротацията баар буолуохтаах диэни кытта сөбүлэһэбин. Иккиһинэн, РФ Бэрэсидьиэнэ Владимир Пу итилэри олоххо киллэрэргэ өрөспүүбүлүкэ саҥа баһылыга – балачча эдэр уонна үлэни-хамнаһы хамсатар кыахтаах киһи билигин тахсыахтаах дии саныыбын”, — диэтэ кини.

Ону тэҥэ кини Саха сирин Ил Дарханын быыбарын өрөспүүбүлүкэ норуодунай дьокутааттарын кытта тэҥҥэ ыытарга этии киллэрдэ.

“Саха сирин норуотугар миэхэ итэҕэлин иһин махтанабын”, — диэтэ салгыы Егор Борисов.

Кини өрөспүүбүлүкэ бырабыыталыстыбатыгар уонна СӨ Ил Дарханын уонна СӨ Бырабыыталыстыбатын дьаһалтатыгар бииргэ үлэлээбиттэрин иһин эмиэ махтанна.

Планернай мунньаҕы түмүктүүрүгэр кини Саха сирин баһылыгын эбээһинэһин быстах кэмҥэ толорооччунан Айсен Николаев буолуоҕа диэтэ. “Араас этиилэр бааллара. Айсен Николаев араспаанньатын мин ааттаабытым”, — диэтэ кини.

СИА.

Следите за самым важным и интересным в Telegram-канале и WhatsApp-группе ЯСИА