26 От ыйа 26.07
  • 19°
  • $ 85,41
  • 93,17

Егор Борисов: Арассыыйа Конституцията ылыллыаҕыттан аныгы сайдыы саҥа историята саҕаламмыта

12:56, 12 декабря 2016
Текст:
Читайте нас на
Яндекс Новости
ЯДВ

Сахабыт сирин ытыктабыллаах дьоно-сэргэтэ! Эһигини Арассыыйа Конституциятын күнүнэн истиҥник эҕэрдэлиибин!


1993 сыл ахсынньы 12 күнүттэн аныгы Арассыыйа историятыгар саҥа кэрдиис кэм саҕаламмыта. Манна ылыллыбыт төһүү суолталаах докумуон уустук кэмҥэ социальнай-экономическай балаһыанньа, судаарыстыба бигэ буоларыгар сүрүн олугу уурбута.

Федерализм уонна олохтоох бэйэни салайыныы, дьон барыта омугуттан, төрүтүттэн, итэҕэлиттэн тутулуга суох тэҥ буолуута, элбэх хайысхалаах экономика – Конституция сүрүн нуормалара Арассыыйа сайдар саҥа суолун быһаарбыттара. Элбэх омуктаах улахан держава субъектара бэйэлэрин сайдар суолларын тобулар, тэлэр бырааптаммыттара.

Биир дойдулаахтарым, наука, култуура, бизнес, көрдөрөр-иһитиннэрэр тиһиктэр бэрэстэбиитэллэрэ Саха сирэ эргиччи сайдарыгар күүстэрин-күдэхтэрин түмэн туран үлэлииллэр. Биһиги барыбыт сүрүн үлэтэ – судаарыстыба социальнай эбээһинэһин толорууга, Арассыыйа саамай бөдөҥ регионун дьонун-сэргэтин олоҕун таһыма үрдүүрүгэр туруулаһыыга туһаайыллар.

Барыгытыгар доруобуйаны, дьолу-соргуну, туруоруллубут соруктаргытын ситиһэргитигэр баҕарабын!

Саха сирин баһылыга Егор Борисов.

Следите за самым важным и интересным в Telegram-канале и WhatsApp-группе ЯСИА