Саха сирин баһылыга Егор Борисов АЛРОСА Кэтээн көрөр сэбиэтин бэрэссэдээтэлин бастакы солбуйааччытынан хос талылынна. Сэбиэти РФ үпкэ миниистирэ Антон Силуанов салайар.
Оттон солбуйааччы – Уһук Илини сайыннарыы миниистирэ Александр Галушка.
АЛРОСА кэтээн көрөр сэбиэтигэр РФ бэрэстэбиитэллэрэ бааллар: компания президенэ Андрей Жарков, Росимущество салайааччытын сүбэһитэ Олег Федоров, Уһук Илини сайыннарыы фондатын баһылыга Алексей Чекунков уонна үп министиэристибэтин департаменын салайааччы Сергей Барсуков. Ону таһынан тутулуга суох дириэктэрдэр бырааптарын ыллылар: Олег Гринько («Сбережения и инвестиции» салайа компания стратегическэй коммуникацияҕа дириэктэрэ) Павел Ульянов («РусАла»энергиэтикэ дивизионун баһылыга).
Саха сириттэн сэбиэкэ бааллар: Егор Борисов, бырабыыталыстыба бэрэссэдээтэлэ Галина Данчикова, «Республиканская инвестиционная компания» АО генеральнай дириэктэрэ Петр Алексеев, баайга-дуолга, сир сыһыаннаһыыларыгар миниистир Евгения Григорьева, сыана бэлиитикэтигэр госкэмитиэт урукку салайааччыта Валентина Лемешева. Муниципалитеттартан Бүлүү улууһун баһылыгын бастакы солбуйааччы Василий Лукин.
Тутулуга суох дириэктэр — Мария Гордон (PIMCO урукку менеджерэ).
Сүрүн акционердар «АЛРОСА» — РФ (33%) уонна Саха сирэ (25%+1 акция). «АЛРОСА» акцияларын 8% Саха сирин улуустарыгар, Free float «АЛРОСА» —34%.
This post was published on 09.08.2016 11:28 11:28