Суут быһаарыытынан Үөһээ Халыма оройуонун Зырянка бөһүөлэгин олохтооҕо сокуоннай сааһын ситэ илик оҕоҕо 30 тыһыынча солкуобайы төлүөҕэ диэн өрөспүүбүлүкэ прокуратуратын пресс-сулууспата иһитиннэрдэ.
Прокурор бэрэбиэркэтэ быһаарбытынан эр киһи 2022 с. муус устар ыйга ытын моойторуга да, быата да суох таах ыытан кэбиспит. Ол түмүгэр ыт күүлэйдии сылдьар оҕолорго саба түспүт, биирдэстэрэ эт-хаан эчэйиитин ылбыт.
Оройуон прокуратурата сокуоннай сааһын ситэ илик оҕоҕо моральнай буортуну боруостууругар суукка үҥсүбүт. Суут ыт хаһаайыныттан 30 тыһыынча солкуобайы көрдөөтө.
Суут быһаарыыта сокуоннай күүһүгэр киирэ илик.