3 От ыйа 03.07
  • -7°
  • $ 104,68
  • 115,6

Үөһээ Бүлүү улууһун олохтооҕо ойуурга уоту сэрэҕэ суох туттан, 6 мөл солк ыстырааптанна

Үөһээ Бүлүү олохтооҕо ойуурга уоту сэрэҕэ суох туттан, баһаар ыыппытын туһунан сайын суруйбуппут. Ону умулуннарыыга таһаарыллыбыт ороскуоту — 6 мөл солк — төнүннэрэр буолла. СИА-ҕа борокуратуура пресс-сулууспата иһитиннэрдэ.

Үөһээ Бүлүү улууһугар Кубалаах сиригэр эр киһи 2021 сыл бэс ыйын 3 күнүгэр буолбут баһаарга буруйдааҕа билиннэ. Кини РФ ХК 261 ыст. 2 ч. сууттанна («Уничтожение лесных насаждений в результате неосторожного обращения с огнем, причинившее крупный ущерб»).

Оройуоннааҕы борокуратуура ирдэбилинэн, киниттэн ойуур пуондатыгар таһаарбыт хоромньутун төлөтөллөр. Ойуур баһаарын умулунарыыга таһаарыллыбыт ороскуот 6 мөл солк буолла, ити эрээри харчыны буруйданааччы төннөрө илик.

Борокуратуура суукка буруйданааччы ороскуоту төннөрөрүгэр ирдэбил оҥордо.

Борокуруор сайабылыанньатын суут сөптөөҕүнэн быһаарда. Быһаарыы күүһүгэр киирэ илик.
Следите за самым важным и интересным в Telegram-канале и WhatsApp-группе ЯСИА
0
0