20 От ыйа 20.07
  • 18°
  • $ 88,02
  • 96,04

Үөһээ Бүлүү улууһун баһылыга үөрэх эйгэтин тутууларын туһунан кэпсэттэ

Хаартыска: Үөһээ Бүлүү хаһыат телеграм-ханаала
Читайте нас на
Яндекс Новости
ЯДВ

Бу күннэргэ Үөһээ Бүлүү улууһун саҥа талыллыбыт баһылыга Валерий Николаев Дьокуускай куоракка үлэлиир.

Саха өрөспүүбүлүкэтин Үөрэхтээһинин сайыннарар ресурсанан хааччыйыы киинигэр сылдьан салайааччы солбуйааччытын Марфа Васильевна Иванованы кытта көрүстүбүт, диэн суруйда баһылык иһитиннэриитигэр.

Өрөспүүбүлүкэ былаанын уочаратыгар эрдэттэн киирэн турар тутуулары, үөрэх тэрилтэлэрин тула кэпсэттибит. Ол быһыытынан аҕыйах ахсааннаах оҕолоох оскуолалар, оскуола-оҕо уһуйааннарын боппуруостарын бырайыактыыр-сметалыыр докумуоннарын оҥорууга бииргэ, Дүллүкү оскуолатын тутуутун, Үөдүгэй нэһилиэгин 240 миэстэлээх оҕо уһуйаанын докумуоннарыгар туох-ханнык итэҕэстэр баалларын, бэрээдэктээһин балаһыанньатын чуолкайдастыбыт.

Саха Өрөспүүбүлүкэтин наукаларын Академиятын төрөөбүт тылы чинчийэр, харыстыыр уонна сайыннарар киин салайааччытын, наука докторын, өр сылларга салайар үлэҕэ үлэлээбит, СӨ үөрэҕэриитигэр сүҥкэн кылааты киллэрбит биир дойдуулаахпытын Феодосия Васильевна Габышеваны кытта көрсөн Үөһээ Бүлүү улууһун үөрэҕэрии салаатын сайыннарыытын туһунан былааннастыбыт.

Дьокуускай куоракка үлэлиир сырыыбыт салҕанар, суруйда t.me/ValeriNikolaev

Следите за самым важным и интересным в Telegram-канале и WhatsApp-группе ЯСИА