29 Сэтинньи 29.11
  • -33°
  • $ 60,75
  • 63,3

Үөһээ Бүлүү улууһугар балыксыттары быыһаатылар

16:01, 11 ноября 2020
Текст:

Үөһээ Бүлүү улууһун үс олохтооҕо балыктыы барбыттар. Аара суолга массыыналара саахалламмыт, биир киһи атаҕын эчэппит. Бүлүүтээҕи көрдүүр-быыһыыр сулууспа этэрээтэ кинилэри дьиэлэригэр аҕалла.


Сэтинньи 9 күнүгэр быыһыыр сулууспа суһал дьуһуурунайын пультугар Үөһээ Бүлүү улууһун Күндэкэн сиригэр үс балыксыт техникалара алдьаммытын туһунан тыллабыр киирэр. Кинилэр иһитиннэрбиттэринэн, биир киһилэрэ атаҕын эчэппит.

Миэстэтигэр Бүлүүтээҕи көрдүүр-быыһыыр этэрээт тиийэр.

Быыһааччылар Альберт Алексеев уонна Александр Семенов дьону булаллар, бастакы көмөнү оҥороллор уонна Үөһээ Бүлүү сэлиэнньэтигэр аҕалаллар. Атаҕын өлөрбүт киһи балыыһаттан аккаастанар.

Саха сирин быыһыыр сулууспата ыраах айаҥҥа барааччылары массыынаҕыт техническай туругун үчүгэйдик көрүнэргитигэр, домкрат, сапаас көлөһө, күлүүстэр, арыы, антифриз, торуос куруук баар буоларын хааччыйаргытыгар сүбэлиир. Сылаас таҥас, ас, төлөпүөҥҥэ саппаас аккумулятор баар буолара ирдэнэр. Айан маршрутун кытта эрдэттэн билсиэххэ наада, чугас дьоҥҥутугар ханна бараргытын, хаһан төннөргүтүн  этиҥ.

Өскөтүн аара суолга туох эмэ түбэлтэ таҕыстаҕына экстреннай сулууспаҕа «112» эбэтэр «101» эрийиҥ.

Следите за самым важным и интересным в Telegram-канале и WhatsApp-группе ЯСИА
0
0