29 Кулун тутар 29.03
  • -14°
  • $ 92,26
  • 99,71

Үөһээ Бүлүү улууһугар аҕыйах сылынан "Дапсы киинэ" тутуллуоҕа

15:01, 28 декабря 2022
Текст:
Читайте нас на
Яндекс Новости
ЯДВ

Бүгүн О.Д. Федорова аатынан улуустааҕы кииннэммит модельнай бибилэтиэкэҕэ тумус туттар ытык киһибит Михаил Петрович Алексеев-Дапсы саха тылын хараанныыр үлэтигэр туттубут дьиэтээҕи бибилэтиэкэтиттэн 5000 тахса кинигэтин, эт илиитинэн суруйбут үлэлэрин киэҥ эйгэҕэ көрдөрөр, билиһиннэрэр дьоро тэрээһин ыытылынна. Ол туһунан СИА-ҕа Үөһээ Бүлүү улууһун дьаһалтатын пресс-сулууспата суруйда.

Кыраайы үөрэтэр хоско Дапсы дьиэтигэр турбут кинигэлэрдээх ыскааптара, бэйэтэ булан оҥостубут баай пуондалаах картотеката кыраайы, ийэ тылы үөрэтиигэ туохха да тэҥнэммэт сыаналаах экспонаттарынан буолаллар.

Үөһээ Бүлүү суруйааччыларын, уран тыл уустарын баай архыыптара, үлэлэрэ
аҕыйах сылынан тутуллуохтаах «Дапсы Киинигэр» түмүллэн тахсалларын бибилэтиэкэрдэр олуһун кэтэһэллэр.

Таһаарыылаах үлэлээх бибилэтиэкэрдэр өссө 2023 сылга саха омук чулуу уола, уһулуччулаах  уопсастыбаннай-политическай деятель, Саха сирин судаарыстыбаннаһын төрүттэспит Исиидэр Бараахап төрөөбүтэ 125 сылын көрсө тэрийбит быыстапкаларын, саҥа тахсыбыт кинигэлэрин билиһиннэрдилэр.

Маны сэргэ ааһан эрэр 2022 сылга улууспутугар биллэриллибит Ийэ тыл сылын түмүктүүр, саха тылын туһунан санаа атастаһар уонна кэлэр Исиидэр Бараахап төрөөбүтэ 125 сыллаах үбүлүөйдээх сылыгар былааннанар үлэлэр тустарынан олус интэриэһинэй төгүрүк остуолу ыыттылар.

Төгүрүк остуол кыттыылаахтара Ийэ тыл сыла улууспутугар дьоһуннаахтык ааста диэн бэлиэтээтилэр. Кэлэр сылы өссө таһаарыылаахтык көрсөргө диэн сыал-сорук туруоруннулар.

Онтон кииннэммит модельнай бибилэтиэкэ 2023 сылы үлэлэригэр кыраайы үөрэтиигэ бибилэтиэкэ информация киинэ буоларынан, Информатизация сылынан биллэрбиттэрин үөрэ-көтө үллэһиннилэр.

Следите за самым важным и интересным в Telegram-канале и WhatsApp-группе ЯСИА