Үөһээ Бүлүү библиотекатыгар доруобуйаларынан хаарчахтаах оскуола саастаах оҕолорго «Кумаҕынан анимация» күрэҕэ буолла.
Ийэ күнүгэр анаммыт тэрээһини «Тускул» оҕо киинэ уонна үөрэх управлениетын кризиснэй туругу сэрэтэр үлэ киинэ кыттыһан, психологическай доруобуйа ыйыгар сөп түбэһиннэрэн тэрийдилэр. Хас биирдии оҕо ийэтин кытта кэлэн сонун тэрээһиҥҥэ кытынна.
Оҕолор кумаҕынан уруһуйдуурга аналлаах уоттаах планшеттарга ийэлэрин мэтириэттэрин уруһуйдаатылар. Куонкурус саҕаланыан иннинэ оҕо киинин иһинэн үлэлиир «Опора» холбоһук салайааччыта Мария Лукинова оҕолор бэлэмнэнэллэригэр көмөлөстө. Күрэх кэмигэр оҕолор кини уруһуйдуурун экраҥҥа көрөн туран үтүктэн уруһуйдаатылар, суруйда «Үөһээ Бүлүү» улуус хаһыатын телеграм-ханаала.
This post was published on 28.10.2022 13:00 13:00