Кулун тутар 16 күнүгэр улуус дьаһалтатын үлэһиттэрэ үс сылга биирдэ ыытыллар аттестацияны аастылар. 30 ыйытыылаах суругунан тургутууну, ол кэннэ биирдиилээн сэһэргэһии халыыбынан барда.
Аттестация түмүгүнэн үс кылааһынан чыыннар иҥэрилиннилэр. Үрдүкү муниципальнай дуоһунаска 1, ол эбэтэр улуус баһылыгын бастакы солбуйааччы, кылаабынай муниципальнай дуоһунаска 4 киһи – улуус баһылыгын солбуйааччылар, сүрүннүүр муниципальнай дуоһунаска 9 киһи (управление уонна отдел салайааччылара) тургутууну аастылар.Онтон атыттар үрдүкү муниципальнай дуоһунаска киирэллэр.
«Бу 42 үлэһиттэн 13-һэ улуус дьаһалтатын иһинэн үлэлиир үп-харчы управлениетын специалистара буолаллар. Тургутууга сүрүннээн РФ Конституциятын, 131 №-дээх Федеральнай сокуон уонна «Муниципальнай сулууспа туһунан» сокуонтан боппуруостар киирэллэр. 30 боппуруоска толору сөптөөх эппиэти 9 киһи биэрдэ», – диэн муниципальнай сулууспа уонна кадр үлэтин аттарар управление салайааччыта Гульнара Чылбынова иһитиннэрдэ.
This post was published on 17.03.2016 12:35 12:35