Бүгүн, олунньу 18 күнүгэр, Аҕа дойду Улуу сэриитигэр дойдуга муҥура суох таптал, бэриниилээх буолуу, булгуруйбат модун санаа уонна Улуу Кыайыы символынан буолбут Кыһыл Знамя Д. С. Спиридонов аатынан улуустааҕы гимназияҕа айаннаан кэллэ.
Знамяны Исидор Барахов аатынан 1 нүөмэрдээх оскуола директора Семен Михалев улуустааҕы гимназия директора Сергей Кардашевскайга өрөгөйдөөхтүк туттарда.
Дириҥ историческай суолталаах, ытык өйдөбүллээх линейкаҕа эҕэрдэ тылы гимназия директора Сергей Кардашевскай, улуус бэтэрээннэрин Сэбиэтин бэрэссэдээтэлэ Иван Чычахов, дьиэ кэргэн отделын салайааччыта Зоя Колосова, СӨ быыһыыр сулууспатын Бүлүүтээҕи көрдүүр- быыһыыр этэрээтин начальнига, анал байыаннай дьайыы бэтэрээнэ Михаил Ан, Үөһээ Бүлүү бөһүөлэгин дьаһалтатын специалиһа Александр Бороннуров, Исидор Барахов аатынан 1 нүөмэрдээх оскуола директора Семен Михалев, фронтовик учуутал Дмитрий Спиридонович Спиридонов кыыһа Раиса Спиридонова төлөннөөх эҕэрдэлэрин тиэртилэр, суруйда «Үөһээ Бүлүү» хаһыат.
This post was published on 18.02.2025 17:04 17:04