Үөһээ Бүлүү кырачааннара ох саанан ытыы, остуол тенниһэ уонна дуобат курдук спорт көрүҥнэрин кытта оҕо уһуйааныттан саҕалаан билсэллэр.
Быйылгыттан саҕалаан Оҕо спортивнай оскуолатын тренердэрэ уһуйааннарынан сылдьан билиһиннэрии дьарыктары ыытыахтара.
3 нүөмэрдээх Ю.Н.Прокопьев аатынан спортивнай оскуола дириэктэрэ Аскалон Николаев оҕо уһуйаантан саҕалаан дьарыктанан, спортивнай оскуола иитиллээччитэ буолуохтаах диэн санаатын олоххо киллэрэн, маннык хамсааһын тахсыбыт.
Биир бастакынан «Аленушка» оҕо сайдар киинин иитиллээччилэрэ маннык спорт көрүҥүн кытта алтыстылар. Икки көрүҥтэн сөбүлээбиттэрин талан дьарыктаныахтара. Манна ордук оҕо баҕата уонна дьоҕура учуоттанар диэн иитээччилэр санааларын үллэһиннилэр, суруйда «Үөһээ Бүлүү» улуус хаһыат телеграм-ханаала.
This post was published on 02.11.2022 14:28 14:28