21 Тохсунньу 21.01
  • -48°
  • $ 73,82
  • 83,32

Үөһээ Бүлүүгэ таҥара дьиэтин тутуута салҕанар

17:31, 01 сентября 2016

Үөһээ Бүлүү бөһүөлэгин киин сиригэр турар Таҥара дьиэтин тутуута салгыы ыытыллар. Бүгүҥҥү күҥҥэ дьэрэкээн быһыылаах түннүктэр турбуттарын бука бары көрө сылдьабыт.


Аҕабыыт Михаил кэпсээбитинэн, бу ый 25 күнүттэн былырыын үлэлээбит биригээдэ (биригэдьиир И.В.Николашкин) үлэтин саҕалаата. Хаптаһын ылыллан, дьиэ иһинээҕи тутуу үлэтэ, муосталааһын ыытыллара былааннанар. Ону тэҥэ, Таҥара дьиэтин таһыгар кыра дьиэ тутуллуоҕа.

«Таҥара дьиэтэ быйыл аһыллыахтаах этэ. Салгыы туох-хайдах буоларбыт үлэ хаамыытыттан тутулуктаах. Тутуу салгыы ыытылларыгар «Мила», «Кельциев» маҕаһыыннар, ИП С.С.Тумусов матырыйаалынан көмөлөспүттэрэ, «Адгезия», «Вилюйавтодор» (сал. И.М.Васильев) буор куппута. Тутуу матырыйаалларын тиэйэн аҕаларга ИП Ю.С.Миронов көмө-тирэх буолбута. Дьокуускай куоракка куолакал кутуллан бүтэн эрэр, балаҕан ыйыгар бүттэҕинэ аҕалар былааннаахпын, купол анныгар туруоруохпут. Таҥара дьиэтин тутуута тиһэҕэр тиийэн үлэҕэ киирэригэр үтүө санаалаах дьон көмөлөһүөхтэрэ диэн эрэнэбин» — диэн Аҕабыыт Михаил кэпсээнин түмүктээтэ.

0
0
21 января 21.01
  • -48°
  • $ 73,82
  • 83,32