25 От ыйа 25.07
  • 30°
  • $ 86,55
  • 94,38

Үөһээ Бүлүүгэ олохтоох сибиинньэ этин хамаҕатык ылаллар

Читайте нас на
Яндекс Новости
ЯДВ

Үөһээ Бүлүү улууһун олохтооҕо Герман Отов быйылгыттан нэһилиэнньэҕэ сибиинньэлэри тарҕатан икки өттүгэр барыыстаахтык үлэлии сылдьар.


Көтөрдөөххө уонтан тахса сибиинньэни, хаһаайыстыбалары кытта аҥар аҥарга кэпсэтэн, ыалга иккилиинэн үллэрбитин идэһэҕэ туруоруохтаахтар. Далырга 2, Бу күннэргэ Мэйиккэ 1, Трудовойга 26 сибиинньэни өлөрөн, астаан, эттэрин тиэйэн, баскыһыанньа күн оройуон киинигэр аҕалан атыылаатылар.

Герман Отов: “Халлаан тымныйан, “Нам” ХЭТ 29 төбө, Үөһээ Бүлүүгэ 4 төбө сибиинньэлэрбитин өлөрдүбүт уонна “Үөһээ Бүлүү” ас-үөл кэмбинээтин маҕаһыыныгар атыыга таһаардыбыт. Эт киилэтэ — 320 солкуобай,” — диэтэ.

Санатан эттэххэ, бу сибиинньэлэри быйыл сайын Хатастааҕы комплексыттан тиэйэн аҕалбыттара.

Ааптар: Галина СЕМЕНОВА, «Үөһээ Бүлүү» хаһыат, Үөһээ Бүлүү улууһа

Следите за самым важным и интересным в Telegram-канале и WhatsApp-группе ЯСИА