22 От ыйа 22.07
  • 29°
  • $ 88,02
  • 96,04

Үөһээ Бүлүүгэ гражданскай оборона суһал сигналын бэрэбиэркэлээтилэр

10:34, 10 марта 2016
Текст:
Читайте нас на
Яндекс Новости
ЯДВ

«Ыксаллаах быһыы-майгы министиэристибэтин Саха сиринээҕи управлениетын ИТ уонна АСУ сибээһин отделын хонтуруоллуур бэрэбиэркэтэ сөптөөхтүк ыытылынна», — диэн улуустааҕы диспетчерскай сулууспаҕа биллэрдилэр. 


Үөһээ Бүлүү улууһугар кулун тутар 9 күнүгэр сарсыарда 10:00 чааска гражданскай оборона суһал сигналын сирената тыаһаата. Маныаха интернет уонна суотабай сибээс өҥөлөрүн көмөтүнэн нэһилиэнньэҕэ аймалҕан тахсыбатын туһугар эрдэттэн сэрэтии үлэтэ ыытыллыбыта. Онон барыта балаһыанньа быһыытынан ааста.

«Өрөспүүбүлүкэ үрдүнэн биир ситимҥэ холбоммут автоматизированнай систиэмэ Дьокуускай куораттан холбонор. Маннык бэрэбиэркэ сылга иккитэ-үстэ ыытыллар. Улууспут хас биирдии нэһилиэгэр биирдии уонна Үөһээ Бүлүү киинигэр үс сирена турар. Бары этэҥҥэ үлэлииллэрин бигэргэттибит. Ардыгар нэһилиэктэр бэйэлэрин истэригэр эмиэ бэрэбиэркэ ыыталлар», — диэн бу күн улуустааҕы ЕДДС оперативнай дьуһуурунайа Никифор Петров кэпсээтэ.

Следите за самым важным и интересным в Telegram-канале и WhatsApp-группе ЯСИА