Бүгүн, балаҕан ыйын 17 күнүгэр, 2021-2025 сс. доруобуйа харыстабылын маҥнайгы сүһүөх звеноларын модернизациялааһын регионнааҕы бырагырааматыгар олоҕуран саҥа УАЗ-санитаркалар күлүүстэрин Саха сирин улуустарын киин балыыһаларыгар туттарыы үөрүүлээх түгэнэ буолла.
«Доруобуйа харыстабылын маҥнайгы звеноларын модернизациялааһын бырагыраамата дойдуга биир бастыҥ буолар. Ити дьаһаллар бары автомобильнай пааркаҕа саҥардыыны киллэрдилэр. Билигин массыыналар ыарыһахтары тиэйиигэ-таһыыга, анаалыстары тиксэриигэ, эмп-томп таһыытыгар сүүрүөхтэрэ, онон эмтээһин хаачыстыбатын уонна табыгастаах буолуутун үрдэтиэхтэрэ«, — диэтэ республика вице-премьерэ Ольга Балабкина.
Вице-премьер биэс сыл устата балыыһа бырагырааматынан 248 массыынаҕа 250 мөл. солк. суумалаах үп көрүллүөхтээҕин, ол онтон 234 мөл. солк. федеральнайдааҕы бюджеттан үбүлээһин буолуохтааҕын эттэ.
Үөһээ Бүлүү улууһун киин балыыһатыгар үс саҥа массыына ананна: киин поликлиникаҕа,
Тамалакааҥҥа (ОВОП), Хороҕо (ВА). Суоппар Алексеев Анатолий Михайлович, Егоров Афанасий Алексеевич, Гоголев Юрий Васильевич күлүүстэрин тутан саҥа массыыналарыгар олордулар, көрөн-истэн, ыраах айаҥҥа бэлэмнээн, сүүрдэн аҕалыахтара, диэн суруйда https://www.instagram.com/admvervil/
This post was published on 17.09.2021 18:00 18:00