14 От ыйа 14.07
  • 17°
  • $ 87,74
  • 95,76

Үөһээ Бүлүү бөҕөһө Петр Дмитриев MMA күрэҕэр кыттыа

17:01, 17 сентября 2020
Текст:
Читайте нас на
Яндекс Новости
ЯДВ

Үөһээ Бүлүү MMA бөҕөһө Петр Дмитриев бу субуотаҕа Калмыкия Элиста куоратыгар FIGHT NIGHT GOLBAL 97 чөмпүйэнээтигэр бастакытын кыттыа.  Бу туһунан «Спорт Якутии» сайт «Sakha Wrestling MMA» кулууп салайааччыта Иван Охлопков этиитигэр сигэнэн суруйар.


«Петр Дмитриев Үөһээ Бүлүүттэн төрүттээх. Кини дэгиттэр байыас, стойкаҕа да, партерга да тэҥинэн киирсиэн сөп. Петр «Вызов Алдана», «Вызов Алмазного края», Дьокуускайга ыытыллыбыт Алексей Никифоров кэриэһигэр турнирдар кыайыылаахтара«, — диир тренерэ.

24 саастаах бөҕөс калмык Дорджи Дораевы кытары киирсиэ. Кини грепплиҥҥа спортивнай разрядтаах, калмык национальнай тустуутун маастара.

Күрэхтэһии сүрүн киирсиилэрин МАТЧ ТВ ханаалга киэһэ Москва бириэмэтинэн 21:10 ч көрдөрүөхтэрэ. Маны таһынан биэриини МАТЧ Боец, Хабар и DAZN ханаалларга 18:00 ч көрүөххэ сөп буолуо.

Следите за самым важным и интересным в Telegram-канале и WhatsApp-группе ЯСИА
Тутаах тыллар