Бэҕэһээ Варшава куоракка «Вацлав Циолковски Мемориала» диэн көҥүл тустууга аан дойдутааҕы рейтинговай турнир түмүктэннэ.
Саха сирин тустуутун иитиллээчччитэ, Польша сүүмэрдэммит хамаандатын чилиэнэ Эдуард Григорьев бу күрэххэ соргулаахтык кыттан кыайыылаах аатын сүктэ.
«Спорт Якутии» телеграм-ханаала суруйарынан Эдуард уопсайа түөртэ тустубут, ол иһигэр аан дойду 2019 с. чөмпүйүөнэ Бека Ломтадзены (Грузия) уонна ыччаттарга аан дойду чөмпүйүөнэ Эрик Арушаняны (Украина) кыайталаабыт. Биир дойдулаахпыт быһарыылаах хапсыһыыга Цевенсурэн диэн Монголия бөҕөһүн олус эрэллээхтик 7:0 ахсаанынан баһыйа тутан пьедестал үрдүкү чыпчаалыгар таҕыста.
Сардаҥа (Заря)
