Эдьигээн оройуонугар кулун тутарга үрүҥ эһэ баар билиннэ. Биологическай ресурсалар дирекцияларын, ураты харыстанар айылҕа территорияларын уонна айылҕа пааркаларын исписэлиистэрэ Арктика адьырҕа кыыла ойуурдаах туундараҕа тахсыытын биричиинэтин быһаардылар.
Үрүҥ эһэ киириитин туһунан иһитиннэриини Эдьигээн улууһун дьаһалтатыгар бигэргэттилэр: «Якутскгеофизика» АУо геологическай экспедициятын үлэһиттэрэ Кыстатыам сэлиэнньэттэн быһа холоон 100 км тэйиччи кыылы көрдүлэр.
«Үрүҥ эһэлэр материк иһигэр ыраах киириилэрэ олус сэдэх көстүү. Кыыл мөлтөөбүт туругун, аһылыга табыллыбатах базатын эбэтэр айылҕа эйгэтин уларыйыытын, чуолаан муора мууһун иэнэ аҕыйааһынын кытта сибээстээх буолуон сөп. Арктикатааҕы зонаҕа үөрүйэх аһы сүтэрэн, эһэ ханнык баҕарар тиийимтиэ аһылыгы көрдөөн, ойуурдаах туундара уонна тайҕа оройуоннарга киирэн, ыраата барыан сөп», — диэн биэдэмистибэҕэ бэлиэтээтилэр.
Эһэ Мэҥкэрэ өрүс үрдүнэн барбыт диэн чуолкайданар. Хос көрүүлэр бэлиэтэммэтилэр.
