31 саастаах Эдьигээҥҥэ олорор дьахтар социальнай ситимнэргэ 48 саастаах олохтоох дьахтары социальнай ситимҥэ үөхпүтүн иһин биэс тыһыынча солкуобайга ыстарааптанна, диэн СИА-ҕа өрөспүүбүлүкэ прокуратуратын пресс-сулууспата иһитиннэрдэ.
Балыс саастаах дьахтар бэйэтиттэн аҕа дьахтары сөбүлээбэтиттэн бар дьон көрөрүн курдук социальнай ситимҥэ сидьиҥ тыллары туттан үөхпүт. Аҕа саастааҕа тута прокуратураҕа сайабылыанньа суруйбут.
Административнай матырыйаалы дьүүллэһии түмүгэр буруйдаах киһиэхэ ыстараап анаабытта. Суут уурааҕа сокуоннай күүһүгэр киирэ илигинэ, өрүттэр эбии үҥсүү суруйуохтарын сөп.
