19 Тохсунньу 19.01
  • -48°
  • $ 73,82
  • 83,32

Эдэрдэр Арктиканы билсэллэр

14:18, 15 февраля 2016
Текст:

«Дялит» хотугу аҕыйах ахсааннаах төрүт норуоттар кииннэрэ хотугу норуоттар эдэр лидердарын оскуолаларын стажердарыгар Арктика судаарыстыбаннай кэмитиэтин үлэтин кытта билсиһиннэрдилэр. 


Оскуола олунньу саҥатыгар тэриллибитэ. Ити эрээри бэлиэр Арктикаҕа уонна аҕыйах ахсааннаах төрүт норуоттарга сыһыаннаах элбэх тэрээһиҥҥэ кытыннылар.

Инникитин министиэристибэлэргэ, үөрэх тэрилтэлэригэр сылдьар баҕалаахтар. Аҕыйах ахсааннаах төрүт хотугу омуктар чаҕылхай уопсастыбанньыктарын, депутаттары, дьылҕаларын хотугу эргимтэни кытта сибээстээбит дьону кытта көрсөн кэпсэтэр былааннаахтар.

РФ Уһук Илин, Сибиир, Хотугу норуоттар Ассоциацияларын ыччатын сэбиэтин бэрэссэдээтэлэ Иван Трофимов бэлиэтээбитинэн, эдэрдэр сокуону көҕүлээһиҥҥэ, ырытыыга күүскэ ылсар былааннаахтар.

Бу сырыыга Арктика судаарыстыбаннай кэмитиэтин бэрэссэдээтэлин бастакы солбуйааччыта Иван Павловка  «Уһук Илиҥҥи федеральнай уокурукка сири түҥэтии туһунан» сокуон барылыгар туох диэн санаалааҕын токкоолостулар.

Бу туһунан СӨ Арктика дьыалаларыгар судаарыстыбаннай кэмитиэтэ иһитиннэрэр.

0
0
Тутаах тыллар
19 января 19.01
  • -48°
  • $ 73,82
  • 83,32